जैन मुनीवर अश्लील व्हिडिओ व्हायरल झाल्यानंतर महिलांची पोलिसांकडे धाव

गुजरात पोलीस क्राईम न्यूज संपर्क 70 286 23 100
सुरत. ०३/०४/२०२६ /दै.मू.वृत्तसेवा गुजरातच्या सुरतमध्ये जैन समुदायाशी संबंधित एक मोठे प्रकरण समोर आले आहे. जैन समाजातील महिलांच्या एका गटाने एका जैन साधूवर कठोर कारवाई करण्याची मागणी करत पोलिसांकडे धाव घेतली आहे. जैन साधूच्या वेशात असलेल्या एका व्यक्तीचा कथित अश्लील व्हिडिओ सोशल मीडियावर व्हायरल झाल्यानंतर हे प्रकरण सुरू झाले. या महिलांचा आरोप आहे की, व्हिडिओमधील व्यक्ती जैन साधू चंद्रसागर मुनी आहेत.
महिलांनी रविवार, 29 मार्च रोजी सुरत पोलीस आयुक्त अनुपम सिंह गेहलोत यांच्याकडे जैन साधू चंद्रसागर मुनी यांच्यावर कठोर कारवाई करण्याची मागणी करणारा अर्ज सादर केला. समाजाची बदनामी टाळण्यासाठी हा प्रश्न तात्काळ सोडवला पाहिजे, असे जैन समुदायाच्या सदस्यांनी म्हटले आहे. हे काही काळापासून सुरू आहे. आम्ही आमच्या अर्जाद्वारे कठोर कारवाईची मागणी केली आहे, जेणेकरून आमच्या जैन समाजाला नामुष्कीचा सामना करावा लागणार नाही, असे एका सदस्याने सांगितले.
महिलांनी म्हटले आहे की जर तात्काळ कारवाई केली नाही तर या प्रकरणामुळे संपूर्ण जैन समाजाची प्रतिमा डागाळली जाऊ शकते. त्यांनी म्हटले आहे की, अशा घटना काही काळापासून समोर येत असून, आता त्या थांबवणे आवश्यक आहे. समाजाची होणारी नामुष्की टाळण्यासाठी त्या साधूवर कठोर कारवाई करून त्याला त्याच्या पदावरून हटवण्याची मागणी त्यांनी केली आहे.
दुसरीकडे, जैन साधू चंद्रसागर मुनी यांनी हे सर्व आरोप स्पष्टपणे फेटाळून लावले आहेत. त्याने सांगितले की त्याच्या विरोधात पसरवल्या जात असलेल्या या सर्व निराधार अफवा आहेत. त्याचा दावा आहे की, काही लोक त्याची प्रतिमा मलीन करण्यासाठी जाणीवपूर्वक खोटी माहिती पसरवत आहेत.
मुनीने एक व्हिडिओ प्रसिद्ध करून सांगितले की काही काळापासून त्याच्या विरोधात अफवा पसरवल्या जात आहेत. त्याने असाही प्रश्न उपस्थित केला की, आरोप करणारे लोक त्याला कधी भेटले आहेत का किंवा त्यांना खरे सत्य माहीत आहे का. त्याने सांगितले की सत्य न जाणता असे आरोप करणे चुकीचे आहे. महिला गटाच्या अर्जासंदर्भात पोलिसांनी अद्याप कोणतेही अधिकृत निवेदन जारी केलेले नाही. मात्र, तक्रार मिळाल्यानंतर पुढील तपास होण्याची शक्यता आहे.
माहित असावे कि सन 2017 मध्ये गुजरातच्या सुरतमध्ये एका मुलीला आशीर्वाद देण्याच्या बहाण्याने तिच्यावर बलात्कार केल्याप्रकरणी जैन साधू शांतीसागर यांना पोलिसांनी अटक केली होती. पीडित तिच्या कुटुंबासोबत त्यांना भेटायला गेली होती, त्यानंतर त्यांनी तिला मंत्रोच्चार करण्याच्या बहाण्याने आपल्या खोलीत नेऊन तिच्यावर बलात्कार केला. आचार्य शांतीसागर महाराजांनी त्या विद्यार्थिनीला धमकी दिली होती की तिने बाहेर जाऊन या घटनेबद्दल कोणालाही सांगू नये, अन्यथा तिच्यासोबत काहीही होऊ शकते. विद्यार्थिनीने पोलीस ठाण्यात तक्रार दाखल करताच, जैन समाजातील लोकांनी आरोपी जैन साधूला वाचवण्यासाठी प्रयत्न सुरू केले होते.